29 Sep 2024, 20:41 वाजता
भाजप सरकारचे धोरण म्हणजे शेतकऱ्यांचे मरण : अनिल देशमुख
कापसाला भाव नाही, सोयाबीनला भाव नाही, कापसाला 13 हजार भाव महाविकास आघाडी सरकार असताना मिळाला. मात्र आता 6 हजार भाव मिळत आहे. भाजप सरकारचे धोरण म्हणजे शेतकऱ्यांचे मरण आहे. महाराष्ट्रात कसे सरकार चालत आहे हे सर्वांना माहिती आहे. अशी टीका अनिल देशमुख यांनी भाजप सरकारवर केली आहे.
29 Sep 2024, 19:43 वाजता
फटाके फोडायला दिवाळी अजून बाकी आहे, उद्धव ठाकरेंची मोदी आणि शाहांवर टीका
उद्धव ठाकरे हे नागपूर दौऱ्यावर आहेत. दिल्लीतील ढग आपल्याला पाहत आहेत. फटाके फोडायला दिवाळी अजून बाकी आहे. अशी टीका उद्धव ठाकरे यांनी पंतप्रधान नरेंद्र मोदी आणि अमित शाह यांच्यावर केली आहे.
29 Sep 2024, 19:23 वाजता
रत्नागिरीतील गणपतीपुळे समुद्र किनाऱ्यावर घडली थरारक घटना; तिघजण बुडाले
कोकणातील लोकप्रिय स्थळांपैकी एक असलेल्या रत्नागिरी येथील गणपतीपुळे समुद्र किनाऱ्यावर थरराक घटना घडली आहे. तिघेजण बुडाले आहेत. यापैकी दोघांचा मृत्यू झाला आहे. एकाला वाचवण्यात यश आले आहे.
वाचा सविस्तर- रत्नागिरीतील गणपतीपुळे समुद्र किनाऱ्यावर घडली थरारक घटना; तिघजण बुडाले
29 Sep 2024, 18:28 वाजता
कडेकोट पोलीस बंदोबस्तात अक्षय शिंदेच्या मृतदेहाचं दफन
कडेकोट पोलीस बंदोबस्तात अक्षय शिंदेच्या मृतदेहाचं उल्हासनगरच्या शांतीनगर स्मशानभूमीत नातेवाईकांच्या उपस्थितीत दफन करण्यात आलं आहे.
29 Sep 2024, 18:17 वाजता
शरद पवारांच्या भेटीनंतर जयंत पाटील यांचं जागावाटपाबाबत मोठं विधान
महाविकास आघाडीची जागावाटपाबाबत दोन दिवस बैठक होणार आहे. या बैठकीत बहुतांश जागांबाबत सहमती होईल ,अशी माहिती शरदचंद्र पवार राष्ट्रवादी पक्षाचे जयंत पाटील यांनी दिलीय. जयंत पाटील शरद पवारांच्या भेटीला बारामतीत आले होते. त्यावेळी त्यांनी ही महिती दिलीय.
29 Sep 2024, 17:30 वाजता
शरद पवारांचं निवडणुकीसंदर्भात मोठं विधान
शरद पवारांनी निवडणुकीसंदर्भात मोठं विधान केलंय. 8 ते 10 ऑक्टोबरदरम्यान तारखा जाहीर होतील आणि 15 ते 20 नोव्हेंबरदरम्यान मतदान होईल. असा अंदाज शरद पवारांनी व्यक्त केलाय. नुकतच केंद्रीय निवडणूक आयोगानं विधानसभा निवडणुकीच्या तयारीचा आढावा घेतला. त्यानंतर निवडणुकांच्या तारखासंदर्भात अंदाज बांधला जातोय.
29 Sep 2024, 17:11 वाजता
अक्षय शिंदेंच्या एन्काऊंटरबाबत एकनाथ शिंदेंचं मोठं विधान
अक्षय शिंदेंच्या एन्काऊंटरबाबत मुख्यमंत्री एकनाथ शिंदे यांनी मोठं विधान केलंय. बंदूक केवळ शोसाठी ठेवलीय का? असा सवाल त्यांनी केलाय. पुण्यातील मेट्रो प्रकल्पाच्या उद्घाटनावेळी शिंदेंनी विरोधकांवर हल्लाबोल केलाय. एन्काऊंटर केला नसता तर आरोपी गोळीबार करून पळून गेल्या असता आणि त्यानंतर विरोधकच बोलले असते. ते दोन्ही बोलतात. असा निशाणा शिंदेंनी विरोधकांवर साधलाय.
29 Sep 2024, 16:11 वाजता
धक्कादायक बातमी, येवलेवाडीत काचा फुटून 4 कामगारांचा मृत्यू
पुण्यातील येवलेवाडीत एका काचेच्या कारखान्यात माल उतरवताना काचा फुटल्याने पाच कामगार अडकले होते. अग्निशमन दलाच्या जवानांनी पाच ही कामगारांना गंभीर जखमी अवस्थेत बाहेर काढून उपचारासाठी रुग्णालयात दाखल केलं. मात्र, त्यामधील चार कामगारांचा मृत्यू झाला आहे.
29 Sep 2024, 15:53 वाजता
अमित शाहांच्या उपस्थितीत भाजपचा मुंबईत मेळावा
'शक्ती कार्यकर्त्यांची प्रचिती आत्मविश्वासाची' या टॅगलाईन खाली भाजपकडून मेळाव्याचे आयोजन करण्यात आले आहे. 1 ऑक्टोबर रोजी दादरच्या योगी सभागृहात हा मेळावा पार पडणार आहे. अमित शाहांसह उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे आणि आशिष शेलारांसह भाजपचे प्रमुख नेते आणि मुंबईतील पदाधिकारी या मेळाव्याला उपस्थित राहणार आहेत.
29 Sep 2024, 14:01 वाजता
अक्षय शिंदेंच्या दफनविधीसाठी जागा मिळाली; 'या' ठिकाणी होणार दफनविधी
बदलापूर लैंगिक अत्याचार प्रकरणात एन्काऊन्टरमध्ये ठार झालेला मुख्य आरोपी अक्षय शिंदेंचा दफनविधी उल्हासनगरमधील शांतीनगर स्मशानभूमीत होणार आहे. यासंदर्भातील माहिती स्मशानभूमीतील कर्मचाऱ्यांनी दिली आहे. यासाठीचा खड्डा खोदण्यात आल्याची माहितीही या कर्मचाऱ्यांनी दिली आहे.
